Lojtarët e Këlnit dhe Borussia Dortmundit luajtën pa fitues 1:1 në xhiron e 27-të të Bundesligës.

Me barazimin, Borussia i lejoi Bayernit të rrisë epërsinë në krye të tabelës në gjashtë pikë në shtatë raunde deri në fund të sezonit. Bayerni është lider i tabelës me 63 pikë, ndërsa Borussia ka 57 pikë.

“Milionerët” kaluan në avantazh në minutën e tetë me golin e Wolf, por vendasit barazuan në minutën e 36-të me anë të Anderson.

Borussia në pjesën e dytë pati një shans të madh për të arritur tri pikët, Erling Halland në minutën e 56-të doli i vetëm përballë portierit Martin Schwab, por nuk arriti të shënojë.

Bayer Leverkusen edhe një herë konfirmoi se është në formë të shkëlqyer dhe festoi në vizitë te Wolfsburg me 0:2. Të dy golat u shënuan në fund të ndeshjes nga Paulinho, i pari në minutën e 86-të dhe i dyti në minutën e dytë të shtesës.