Sonte është thyer xhami në hyrje të klubit kulturor maqedonas “Nikola Vaptsarov” në Bllagoevgrad. njoftoi TV bullgar NOVA. Akti i vandalizmit është denoncuar mbrëmjen e sotme në orën 21:40 në komisariatin lokal.

Siç ka raportuar televizioni, patrulla policore ka parë se është thyer xhami i Klubit të Maqedonisë në rrugën “Dimitar Dimov” në qytet. Sipas informacioneve fillestare, katër gurë janë gjetur para ndërtesës, raporton TV NOVA duke cituar burime të veta.

Klubi kulturor maqedonas "Nikola Vaptsarov" në Bllagoevgrad u hap në një atmosferë të tensionuar vitin e kaluar më 30 tetor në prani të mysafirëve nga Maqedonia dhe maqedonasve që jetojnë në Bullgari.

Ngjarja vjen pas kremtimit të sotëm të 151-vjetorit të lindjes së Goce Dellçevit, i cili kaloi i qetë në Shkup, por në pikën kufitare Deve Bair pati tensione, për çka u arrestuan tre bullgarë, ndërsa sonte u gjobitën me 300 euro dhe dëbuar nga Maqedonia.