Më shumë se 6.000 zjarrfikës janë ende duke luftuar me zjarrin masiv, i cili deri më tani është rritur në të katërtin më të madh në historinë e Kalifornisë.

Vapa nuk sjell aspak lehtësim në situatë dhe autoritetet njoftuan se zjarri është 27 për qind i izoluar.

"Ne kemi pasur stuhi që na kanë shkaktuar probleme," tha Christopher Young, një zëdhënës i Departamentit të Pyjeve dhe Mbrojtjes nga Zjarri në Kaliforni.

Zjarri në Kaliforni u shkaktua më 24 korrik nga një zjarrvënës i cili shtyu një makinë të djegur në një kanal pranë Chico. Që atëherë, më shumë se 162.200 hektarë tokë, ose një sipërfaqe më e madhe se qyteti i Los Anxhelosit, janë djegur.

42-vjeçari që u arrestua u deklarua i pafajshëm, por u akuzua për zjarrvënie dhe po mbahet pa kusht, thanë zyrtarët.

Që nga shpërthimi i zjarrit, 11 ditë më parë, janë shkatërruar më shumë se 560 shtëpi dhe objekte të tjera.

– Zjarri u izolua 27 për qind dje, thanë autoritetet dhe shtuan se “duhen dy deri në tre orë për të arritur në linjat e djegura për shkak të terrenit të pabarabartë dhe të paarritshëm”.

Një pjesë e zjarrfikësve po transportohen me helikopter në linjat e zjarrit, e një pjesë pritet të qëndrojnë aty për ditë të tëra.