“Mickoski nuk është viktimë, por regjisor i një skenari të përgjakshëm. Skenar i përgjakshëm i Mickoskit dhe partnerëve të tij të koalicionit të Majtës dhe Aleancës, skenar i përgjakshëm që dështoi, tha deputeti dhe zëdhënësi i LSDM-së në konferencën e sotme për media. Darko Kaevski.

Ai shtoi se Mickoski sonte nuk ka qenë cak, por, siç thotë ai, “ka luajtur rolin më të keq për shtetin dhe qytetarët”.

“E turpshme, e tmerrshme dhe e rrezikshme është sjellja e opozitës e cila tenton të tregojë një lloj tensioni ndëretnik të cilat në fakt provokohen nga përfaqësuesit më të lartë të partive opozitare. Ky është njeriu që Mickoski, sipas skenarit të tyre gjakatar, duhej të luante si sulmues i tij. Zufi Coca. Shikoni kush është, Ministria e Brendshme e ka ndaluar tashmë këtë person. Ky njeri është vëllai i një anëtari të lartë të partneres së koalicionit të Hristijan Mickoskit, Alijasna, e cila është edhe drejtoreshë e Ndërmarrjes Publike “Higjiena Komunale” – Shkup”, thotë Kaevski.

Ai ka theksuar se ky është vëllai i kryetarit të degës së Aleancës për Shqiptarët në Çair dhe “funksionar kryesor në fushatën e Danela Arsovskës”.

“VMRO DPMNE nuk ndryshon, Mikoski nuk ndryshon. Gjithçka është false në VMRO-DPMNE, edhe ky skenar i përgjakshëm që sonte dështoi. Ata nuk kanë fare strategji tjetër veçse të krijojnë tension, konflikt dhe frikë tek qytetarët. Ata janë të gatshëm të sakrifikojnë njerëz për qëllimet e tyre politike, janë gati të djegin të gjithë vendin. Ne nuk do ta lejojmë këtë. Nuk bëhet fjalë për ndonjë tension ndëretnik, por për një skenar të përgjakshëm politik që e kemi parë tashmë. Qytetarët të mos dorëzohen, apelojmë për qetësi, dhe institucionet të bëjnë punën e tyre dhe të gjithë të përfshirët të mbajnë përgjegjësi para ligjit. Nuk do të lejojmë destabilizimin dhe të gjithë skenarët e tyre destruktivë do të mposhten sërish”, tha Kaevski.