Darko Kaevski i cili në Komunën Qendër ishte pjesë e karvanit “Krah për krah fitores” tha se Hristijan Mickoski ndryshoi qëndrimin e tij dhe tani pranon ndryshimet kushtetuese me të cilat një pjesë e popullit bullgar do të hyjë në Kushtetutë.

“Hristian Mickoski de fakto ka ndryshuar qëndrim dhe tani pranon që të ketë amendamente kushtetuese me të cilat një pjesë e popullit bullgar do të hyjë në Kushtetutë. Ne i kemi pranuar të gjitha kërkesat e tij dhe kjo është një bazë e mirë për vazhdimin e dialogut, përkundër sjelljes nervoze dhe jokonsistente të DPMNE-së. Nuk kemi ndërmend të hyjmë në shpjegime për deklaratat e Mickoskit që ai i bëri publikisht pas takimit të lidershipit, por këtë periudhë do ta shfrytëzojmë për ta përmbyllur procesin dhe për të bërë ndryshimet e nevojshme, tha për Qendrën deputeti dhe zëdhënësi Darko Kaevski.

Ndryshe, pas takimit të kryetarëve të dy partive më të mëdha VMRO-DPMNE dhe LSDM pasditen e sotme, BDI ka marrë vendim që në selinë në Mala Reçicë të mblidhet organi më i lartë i partisë, Kryesia Qendrore.

Para fillimit të seancës së sotme, zëdhënësi i partisë Bujar Osmani theksoi se takimi është caktuar për shkak të zhvillimeve të reja politike, ndërsa takimi që u zhvillua të mërkurën mes liderëve të LSDM-së dhe VMRO-DPMNE-së, Dimitar Kovaçevski dhe Hristijan Mickoski, do të diskutohet dhe analizohet..

LIVE: Deklaratat e Kovaçevskit dhe Mickoskit pas takimit