Kaevski: Hidro Micko duhet t'ua japë qytetarëve energjinë nga hidrocentralet e tij falas
Meqë është i njohur për hidrocentralet e tij, i bëjmë thirrje Hristijan Mickoskit që rrymën t'ua japë qytetarëve pa pagesë, tha sot deputeti dhe zëdhënësi i LSDM-së, Darko Kaevski.
- Si duket Mickoski të gënjejë në konferenca për shtyp në mëngjes dhe të numërojë paratë nga faturat e larta të energjisë elektrike nga hidrocentralet e tij në mbrëmje? Hristijan Mickoski është themelues dhe pronar i kompanisë “Energotek” me të cilën hyn në konsorciumin “Minka – Energotek”. Në vitin 2015 ka marrë 33 mijë metra katrorë tokë shtetërore nga Qeveria e Gruevskit dhe ka ndërtuar hidrocentrale. Këtu janë dokumentet që e vërtetojnë atë. Mickoski, pikërisht në atë periudhë, në të njëjtën Qeveri nga e cila merr tokë dhe koncesion, është këshilltar për energji i shefit dhe mentorit të tij, atëherë kryeministër, Nikolla Gruevski. Prandaj ai mori pseudonimin Hidro Micko në mesin e anëtarëve të tij nga VMRO-DPMNE. Gjatë krizës botërore ekonomike dhe energjetike, por edhe vite më parë, Mickoski e mbushi xhepin duke shitur rrymë nga hidrocentralet e tij, tha Kaevski.
Ai shtoi se nëse Mickoski është i shqetësuar për rrymën dhe standardin e qytetarëve, rrymën nga hidrocentralet e tij do t'ua dhurojë falas qytetarëve.