E përditshmja kroate “Jutarnji list” bën të ditur se vendi do të duhet të nënshkruajë deri në fund të vitit një marrëveshje me SHBA-në për blerjen e armës më të fuqishme për ushtrinë tokësore, sistemin raketor “HIMARS”.

Pas blerjes së avionëve luftarakë Rafale, sistemit anti-ajror Mistral dhe kontraktimit të helikopterëve shtesë Black Hawk, udhëheqja ushtarake tani po fokusohet në pajisjen e forcave tokësore me sisteme të reja të fuqishme me rreze të gjatë veprimi me fuqi të lartë zjarri.

Gazeta thekson se marrëveshja me SHBA-në mund të lidhet deri në fund të vitit dhe se do të ishte blerja më e shtrenjtë në historinë e Kroacisë.

Sipas informacioneve të “Jutarnji List”, kontrata që do të nënshkruhet kap vlerën e rreth 300 milionë dollarëve dhe do të synohet për blerjen e raketës shumëfuçi M142 HIMARS.

Negociatat me SHBA-në zgjatën rreth dy vjet dhe po bëhet prokurimi i një sistemi krejtësisht të ri.

I gjithë prokurimi pritet të përfundojë brenda katër viteve të ardhshme dhe pagesa me gjasë do të bëhet paraprakisht dhe me këste mujore.

HIMARS është një sistem artilerie jashtëzakonisht i lëvizshëm me rrota tokë-tokë. Sistemi përfshin një kamion, një sistem të kontrollit të zjarrit dhe një kontejner me kapacitet prej gjashtë raketash dhe deri më tani vetëm tre vende evropiane kanë të tilla. Do të ndryshojë në mënyrë dramatike marrëdhëniet e fuqisë ushtarake në rajon.