United i është bashkuar garës për të nënshkruar me Aubameyang
Një fillim katastrofik i sezonit në Premier League ka bërë që drejtuesit e Manchester United të kthehen në merkato në kërkim të një sulmuesi elitar.
Sipas mediave angleze, Manchester United i është bashkuar garës për nënshkrimin e lojtarit të Barcelonës, Pierre-Emerick Aubameyang.
Për përfaqësuesen e Gabonit, interesin më të madh përveç United e ka shprehur edhe Chelsea, e cila po kërkon edhe një sulmues pasi ka mbetur pa Romelu Lukakun dhe Timo Werner këtë verë.
Barcelonës i duhen urgjentisht para që të mund të regjistrojë përforcimin nga Sevilla, Gilles Cunde i cili nuk luajti në turin e parë ndaj Rayo Vallecanos.
Presidenti i Barcelonës, Joan Laporta pret të arkëtojë 20 milionë euro nga shitja e Aubameyang, shumë që United janë të gatshëm ta paguajnë.
Në dy xhirot e para, Manchester United pësoi dy disfata, ndaj Brighton (1:2) dhe Brentford (0:4), dhe ra në sy loja e dobët dhe ekzekutimi i dobët i sulmuesve.
Nga ana tjetër, Chelsea është në kërkim të një sulmuesi të ri pas largimit të Lukakut dhe Wernerit dhe menaxheri Thomas Tuchel këmbëngul për Aubameyang sepse ka pasur një bashkëpunim të shkëlqyer me të në Borussia Dortmund.
