Joksimoviç: Kur Serbia të hyjë në BE, do të duhet të vendosë sanksione ndaj Rusisë

Jadranka Joksimovi.
Jadranka Joksimovi / / Foto: EPA-EFE / STEPHANIE LECOCQ

Ministri serb i Integrimeve Evropiane, Jadranka Joksimoviq, deklaroi se kur Serbia të bëhet anëtare e BE-së, do të duhet të respektojë politikën e BE-së për vendosjen e sanksioneve kundër Rusisë, njoftoi korrespondenti i MIA-s nga Beogradi.

"Uniteti i të gjithëve në BE dhe në mesin e kandidatëve është një instrument që dobëson Rusinë, sepse shmang një konflikt global që do ta çonte botën në kolaps", tha Joksimoviç në një intervistë për gazetën Kurir.

Ajo vlerësoi se qeveria e re do të përshpejtojë reformat dhe rrugën evropiane të Serbisë.

- Gjatë vitit të ardhshëm do të kemi gati grupin dy - tregun e brendshëm dhe pesë - kohezionin, burimet dhe bujqësinë. Grupi i tretë – rritja gjithëpërfshirëse dhe konkurrueshmëria tashmë janë gati, dhe grupi i parë – sundimi i ligjit dhe katër – axhenda e gjelbër dhe lidhja e qëndrueshme janë tashmë të hapura. Grupi i gjashtë mbetet në aspektin e politikës së përbashkët të jashtme dhe të sigurisë, shpjegoi Joksimoviq.

Ajo shtoi se sipas metodologjisë së vjetër të BE-së, Serbia e ka përfunduar gjysmën e punës negociuese dhe sipas asaj të re Serbia është e vetmja që i ka përshpejtuar negociatat.

Video e ditës