Kryebashkiaku Stevcho Jakimovski njoftoi sot se në komunën e Karposhit do të bëhen investime në vlerë prej një miliardë e gjysmë euro.

Investimet prej një miliardë e gjysmë eurosh presin vendimet e Këshillit dhe përfshirjen time. Do të punoj sa më shumë që të hapen dyert për këto investime, duke rritur kështu të hyrat në komuna dhe për t'iu ofruar qytetarëve shërbime më cilësore. Sapo të kemi më shumë mjete, do të investojmë më shumë në kopshte, në shkolla, do të ketë mjaftueshëm për të gjitha nevojat e qytetarëve të komunës - tha Jakimovski.

Këto ditë, siç pretendon kryebashkiaku, do të vihet gurthemeli i një investimi të madh. një kompani turke do të ndërtojë 65 shtëpi tipike në atarin e Bardovcit. Për këtë investim janë paguar shërbimet komunale, Bashkia ka dhënë lejen e ndërtimit dhe është në pritje të përfundimit të tij. Sipas Jakimovskit, do të zhvillohet ana e majtë e lumit Vardar, aty kompania “Golden Art” do të ndërtojë objekt.

Vazhdojmë të punojmë intensivisht për bashkëpunimin me këshilltarët, për zhvillimin e DUP-ve që u nevojiten qytetarëve. Shumë qytetarë që jetojnë në shtëpi individuale presin zgjidhje për shtesa dhe përmirësime, presin vendimet e Komunës së Karposhit. Shpresoj që në periudhën e ardhshme kjo të ndodhë në mënyrë që të gjithë qytetarët të mund të realizojnë nevojat dhe ëndrrat e tyre - thotë njeriu i parë i Karposhit.