Rrjedhja e supozuar e dokumenteve të klasifikuara për Gazën, që përfshin një ndihmës të kryeministrit izraelit Benjamin Netanyahu, ka tronditur skenën politike izraelite dhe zemëroi familjet e pengjeve të mbajtura nga Hamasi pasi një gjykatë izraelite tha se afera rrezikoi përpjekjet e Izraelit për të liruar pengjet.

Detajet e rastit janë bërë publike për shkak të ndalimit të komenteve, raportoi Reuters. Por vendimi i gjyqtarit për të hequr pjesërisht urdhrin dha një pasqyrë fillestare të çështjes.

"Informacionet sekrete dhe të ndjeshme të inteligjencës janë marrë nga sistemet e IDF (Forcat e Mbrojtjes së Izraelit) dhe janë nxjerrë në mënyrë të paligjshme, të cilat mund të kenë shkaktuar "dëm serioz për sigurinë e shtetit dhe përbënin rrezik për burimet e informacionit", thuhej në vendimin e Gjykatës.

Netanyahu mohoi se ndonjë nga stafi i kabinetit të tij ishte fajtor dhe pretendoi se ai mësoi për dokumentet e rrjedhura nga media.

Detajet e dokumenteve të sigurisë janë publikuar nga gazeta gjermane “Bild” më 6 shtator. Një artikull ekskluziv i "Bild" dyshohet se ekspozoi strategjinë e negociatave të Hamasit, grupit palestinez që Izraeli ka luftuar në Gaza për më shumë se një vit. Artikulli u botua disa ditë pasi gjashtë pengje izraelitë u gjetën të ekzekutuar në një tunel të Hamasit në Gazën jugore.

“Bild” raportoi gjithashtu se autenticiteti i dokumentit u konfirmua nga Forcat Mbrojtëse izraelite menjëherë pas publikimit të tij.