Izraeli pret që administrata e ardhshme e Trumpit të marrë një qëndrim të ashpër kundër Iranit dhe ambicieve të tij bërthamore, duke hapur derën për më shumë marrëveshje paqeje me fqinjët e tij arabë, tha një anëtar i lartë i kabinetit izraelit të sigurisë.

Ministri i Energjisë, Eli Cohen, në një intervistë për Reuters, tha gjithashtu se Izraeli është më afër se kurrë arritjes së një marrëveshjeje për t'i dhënë fund luftimeve.

Izraeli ka qenë në luftë në fronte të shumta që kur Hamasi, i cili gjithashtu mbështetet nga Irani, nisi sulmin e tij nga Gaza në Izraelin jugor më 7 tetor 2023. Hezbollahu filloi të sulmonte të nesërmen. Izraeli nga ana e tij ka nisur një fushatë shkatërruese ajrore dhe tokësore në Gaza dhe ka intensifikuar operacionin e tij në Libanin jugor në muajt e fundit.
Milicitë e mbështetura nga Irani qëllonin shpesh mbi Izraelin nga Jemeni dhe Iraku, dhe Izraeli dhe Irani shkëmbyen sulme të drejtpërdrejta.