Revista gjermane “Bild” bëri të ditur se Zidane do të largohet nga Real Madridi më së voni deri në fund të sezonit dhe se “Mbretërit” tashmë kanë përgatitur pasardhësin e tij që vjen nga Bundesliga.

Bëhet fjalë për trajnerin e Leipzig, Julian Nagelsmann.
Presidenti i Real Madridit, Florentino Perez, prej kohësh është interesuar për trajnerin e ri, i cili deri më tani ka refuzuar të gjitha ofertat nga gjigantët dhe beson se ka ardhur momenti ideal dhe nga sezoni i ardhshëm Nagelsmann do të jetë trajneri i ri i gjigantit spanjoll.

Nagelsman është një nga trajnerët më të rinj në ligat më të forta, ai është vetëm 34 vjeç, por ka pesë vjet përvojë. Së pari, ai pati një sukses të madh duke u ulur në pankinën e Hoffenheim-it, që e solli në majat e futbollit gjerman, ndërsa tani po bën mrekulli me Leipzigun.