Ekspozim ndaj ajri i ndotur mund të rrisë rrezikun e alergjive, obezitetit dhe diabetit, por edhe të ndikojë në zhvillimin e trurit në të porsalindurit, tregon studimi i ri.

Studiuesit nga Universiteti i Boulder në Kolorado pohojnë se ekziston një lidhje midis ndotësve të dëmshëm, si ato të shkaktuara nga trafiku, zjarret në pyje dhe industria, dhe ndryshimet në shëndetin mikrobiologjik të foshnjave në gjashtë muajt e parë të jetës.

“Studimi ynë i shtohet sasisë në rritje të literaturës që tregon se ekspozimi ndaj ndotjes së ajrit, edhe në këtë moshë, mund të ndryshojë mikrobiomën e zorrëve, me implikime të rëndësishme për rritjen dhe zhvillimin”, tha autorja e studimit, profesoresha Tanya Alderete.

Rezultatet e studimit, të kryera në mostrat e jashtëqitjes nga 103 foshnja të shëndetshme, kryesisht të ushqyera me gji, u botuan në revistën Gut Microbes dhe ato tregojnë se foshnjat kanë baktere të vogla rezidente në lindje. Gjatë dy deri në tre vitet e para të jetës, ekspozimi ndaj ushqimit të nënës, ushqimeve të ngurta, antibiotikëve dhe ndikimeve të tjera mjedisore formojnë mikroorganizmat që do të mbahen.

Këto mikrobe dhe nënproduktet e tyre krijohen kur shpërbëjnë ushqimin ose kimikatet në zorrë dhe ndikojnë në një sërë sistemesh të trupit që formojnë oreksin, ndjeshmërinë ndaj insulinës, imunitetin, disponimin dhe funksionin e trurit.

Edhe pse shumë prej tyre janë të dobishme, disa përbërje mikrobiome janë lidhur me sëmundjen e Crohn-it, astmën, diabetin e tipit 2 dhe sëmundje të tjera kronike.

“Në përgjithësi, ne pamë se ekspozimi ndaj ndotjes lidhet me një profil inflamator të mikrobeve të zorrëve, të cilat mund të kontribuojnë në një sërë rezultatesh të pafavorshme shëndetësore në të ardhmen,” përfundoi Alderete.