Deputeti i VMRO-DPMNE-së Vllado Talevski sot ka bërë një sërë akuzash ndaj menaxhmentit të REC Manastir, duke kërkuar dorëheqjen e drejtorëve për kinse keqtrajtimin e tyre me aksidentin në bllokun 3 të termocentralit.

Po citojmë të plotë deklaratën e Talevskit:

“Ndonëse SDS po tenton të mbulojë dështimin e kaldajës 3 në REK Manastir, duke thënë se është në shërbim zyrtar në kulmin e sezonit të ngrohjes dimërore, situata nuk është aspak naive. Kaldaja 3 është e dëmtuar dhe pyetja është nëse do të mund të aktivizohet edhe për punë normale.

Menjëherë paralajmëruam se prokurimi i thëngjillit joadekuat nga Kosova, Shqipëria dhe Greqia mund të shkaktojë probleme në funksionimin e REK Manastir. Sipas informacioneve që kemi, shkak i mundshëm i aksidentit është se po transportohej thëngjill bituminoz me një vlerë shumë më të lartë kalorifike. Kaldaja në REK Manastir nuk mund ta djegë plotësisht thëngjillin për arsye strukturore. Qymyri i sjellë ka një sasi shumë më të lartë të hirit dhe squfurit. Si pasojë, ka një 'betonim' të skorjeve rreth sistemit të tubacioneve në bojler dhe ndotje të atmosferës me shi 'acid'.

Ky veprim joprofesional i SDS-së dhe BDI-së ka bërë që kaldaja të fiket dhe të bëhet një gjendje në të cilën është “betonizuar” tërësisht nga kuota '0' në lartësinë 20 metra. Javën e kaluar ishim dëshmitarë të një tentative të pamenduar dhe hyrje me forcë të punëtorëve për të ndërhyrë në bojler, por për shkak të temperaturës së lartë ata pësuan djegie të rënda.

Blloku 3 në REK Manastir do të jetë në të ashtuquajturin “service” mirëmbajtje dhe jashtë funksionit për një kohë të gjatë.

Rezultati i menaxhimit “cilësor” të REK Manastirit, kaldaja e dëmtuar dhe punëtorët e lënduar. Dita e djeshme u pasua me një ndërprerje të re 'të planifikuar' të bllokut 1 dhe javën e kaluar sistemi i qymyrit nga të dyja minierat ishte plotësisht jashtë funksionit për gati pesë ditë, ndërsa qindra kamionë të tillë qymyr të importuar me origjinë të dyshimtë po ktheheshin!

Paralajmërojmë autoritetet që të mos ua bartin fajin punëtorëve dhe ekuipazhit të bllokut 3, të cilët do të mbrohen nga ekipi juridik i VMRO-DPMNE-së sepse sindikata padyshim është vënë në funksion të mbrojtjes së ekipit menaxhues. I bëjmë thirrje menaxhmentit të japë dorëheqjen menjëherë! Fajtorët janë të njohur si për opinionin ashtu edhe për punonjësit dhe për këtë kërkojmë dorëheqjen e gjithë ekipit menaxhues të termocentraleve dhe REK Manastir, të cilët lejuan të sillet një thëngjill i tillë dhe pastaj të digjet në kaldaja, gjë që shkaktoi ky aksident me pasoja të paparashikueshme kanë për qëllim komisionet e rënda dhe pasurimin e individëve.

Së fundi, të nderuar, kërkojmë dorëheqjen e Vasko Kovaçevskit, nëse jo për menaxhimin katastrofik, krimet, komisionet, le të japë dorëheqjen për arsye morale”, tha Talevski.