Studimi më i fundit shkencor tregon se gjumi më pak se pesë orë mund të rrezikojë shëndetin e trupit me 15 për qind.

Kur një person është zgjuar, truri, si pjesa tjetër e trupit, përdor substanca kimike të njohura si neurotransmetues për "komunikim" të ndërsjellë, domethënë dërgimin e informacionit nga nervi në sistemin imunitar dhe sistemet e tjera.

Gjumi ndihmon në ruajtjen e rezervave të neurotransmetuesve në nivele optimale.

Kur një person nuk fle mjaftueshëm ose ka gjumë të keq, trupi prodhon më pak neurotransmetues.

Si pasojë, shumë funksione të trupit, duke përfshirë sistemin imunitar, nuk funksionojnë në mënyrë optimale.

Gjegjësisht, derisa njeriu fle, trupi prodhon më shumë qeliza të bardha të gjakut dhe citokina/produkte të qelizave të sistemit imunitar/, të cilat veprojnë si lajmëtarë të sistemit imunitar dhe ndihmojnë në luftimin e infeksioneve dhe sëmundjeve.

Në vetvete, gjumi i dobët mund të shkaktojë uljen e prodhimit të tyre, gjë që ndikon në rënien e imunitetit.

Mungesa e gjumit e bën një person më të ndjeshëm ndaj një ftohjeje të zakonshme, paralajmërojnë studiuesit.