Irving humbi 100 milionë dollarë duke refuzuar të vaksinojë
Basketbollisti i Brooklyn Nets, Kyrie Irving tha sot se vendimi i tij për të mos u vaksinuar kundër koronavirusit i kushtoi atij 100 milionë dollarë sepse iu desh të refuzonte kontratën e re që Nets i ofruan në fillim të sezonit të kaluar.
Sezonin e kaluar, Irving nuk ishte në gjendje të luante për Brooklyn në ndeshjet në shtëpi deri në mars për shkak të një vendimi të zyrtarëve të qytetit të Nju Jorkut për të ndaluar personat e pavaksinuar në ambiente të mbyllura. Irving luajti larg Bruklinit në varësi të rregullave të vaksinimit të qyteteve të tjera të SHBA.
- Kam hequr dorë nga një kontratë katërvjeçare me vlerë 100 milionë për shkak të vendimit për të mos u vaksinuar. Mund të nënshkruaja kontratën, të vaksinohesha ose të mbetesha i pavaksinuar, gjë që futi pasiguri nëse do të qëndroja në NBA, nëse do të qëndroja në Brooklyn dhe do të përballesha me sfida të mundshme për shkak të humbjes së mundshme të punës për shkak të vendimit tim - tha Irving.
Sezoni i ri në ligën NBA fillon më 18 tetor, ndërsa skuadrat kanë nisur përgatitjet nga sot. Kyrie Irving do të luajë për Brooklyn dhe do të mbledhë 36,5 milionë dollarë për sezonin e ardhshëm. Nëse nuk nënshkruan kontratë të re, në fund të sezonit do të bëhet lojtar i lirë.