Pas nisjes së protestave për shkak të vdekjes së të resë Mahsa AminiAutoritetet iraniane arrestuan 18 punonjës të medias, njoftoi sot Bordi për Mbrojtjen e Gazetarëve. Disa prej tyre janë nxjerrë nga shtëpitë gjatë natës, “pa urdhër gjykate për arrestimin e tyre”, thekson Bordi.

U arrestuan gjithashtu luftëtarë të të drejtave të njeriut, duke përfshirë Hossein Ronaghy, aktiviste e lirisë së shprehjes.

Siç raportojnë mediat, Ronagi i është arratisur policisë kur kanë ardhur për ta arrestuar teksa po jepte një intervistë për Iran International, me qendër në Londër. Por policia e gjeti dhe e ndaloi të shtunën së bashku me avokatin e tij.

“Në kontekstin e dhunës së madhe, autoritetet iraniane fillimisht kufizuan aksesin në WhatsApp dhe Instagram dhe tani po ndalojnë gazetarët me një mesazh të qartë: nuk lejohet përhapja e lajmeve për protestat”, thuhet në një deklaratë të Reporterëve pa Kufij.

Nga atje, ata kërkuan që “gazetarët të lirohen menjëherë, që të hiqen menjëherë të gjitha kufizimet ndaj të drejtës së iranianëve për informim”.

Mes gazetarëve të arrestuar është edhe Nilufar Namedi, e cila ka vizituar spitalin ku ndodhej Mahsa Amini në gjendje kome dhe ka kontribuar në përhapjen e informacionit për fatin e vajzës së re. Amini vdiq pas tre ditësh në koma.

Fotoreporterja Yalda Moayrei, e cila u bë e famshme për fotografimin e saj të protestave antiqeveritare në nëntor 2019, besohet të jetë në mesin e të arrestuarve.

Sipas të dhënave të fundit, janë të paktën 41 viktima në protesta dhe mbi 1.200 persona në Iran janë arrestuar që nga shpallja e vdekjes së Amini më 16 shtator.

Protestat nisën pasi vajza u ndalua nga policia për moral, më pas u rrah për dyshimin se nuk mbante hixhabin siç duhet.

Policia nuk pranoi të shfaqte pamjet publike të furgonit ku u rrah vajza. Nga aty deklarojnë se ajo ka ndërruar jetë nga një atak në zemër, ndonëse familja ka theksuar se Amini ishte shëndoshë e mirë.