Zyrtarët e inteligjencës amerikane njoftuan se zhvilluan një takim me presidentin amerikan Joe Biden, dhe tema besohej të ishte një sulm i mundshëm ndaj Izraelit nga Irani dhe aleatët e tij.

Një nga zyrtarët e lartë tha se Irani patjetër do të hakmerrej, por se përgjigja e Iranit dhe Hezbollahut ishte ende duke u planifikuar.

Ajo që oficerët e inteligjencës diskutuan më shumë me Biden, por edhe me zëvendëspresidenten Kamala Harris, është intensiteti i sulmit. Sipas vlerësimeve, shërbimet e inteligjencës theksuan se pritet një skenar që përfshin dy valë sulmesh.

“Një sulm do të kryhet nga Hezbollahu dhe tjetri nga Irani”. Mbetet e paqartë se kush do të sulmojë i pari dhe çfarë lloj sulmi synojnë të kryejnë”, thanë zyrtarët, siç raporton Jerusalem Post.

Gjithashtu, Shtëpia e Bardhë u informua se Pentagoni pret sulme të mëtejshme nga forcat pro-iraniane në Irak, në zonat ku janë vendosur trupat amerikane. Sulmi i parë tashmë është kryer në aeroportin Ain al-Assad.

"Ne diskutuam hapat që po ndërmarrim për të mbrojtur forcat tona dhe për t'iu përgjigjur çdo sulmi ndaj popullit tonë në mënyrën që ne zgjedhim," tha Shtëpia e Bardhë.