Irani dënoi sulmin e armatosur në Ambasadën e Azerbajxhanit në Teheran dhe tha se po e hetonte sulmin me "përparësi dhe ndjeshmëri të lartë, me udhëzime të veçanta nga autoritetet politike dhe të sigurisë".

Zëdhënësi i Ministrisë së Punëve të Jashtme të Iranit, Nasser Khanani, tha se dënojnë ashpër sulmin ndaj Ambasadës së Azerbajxhanit në Teheran, ku një person mbeti i vrarë dhe dy u plagosën.

Ai shprehu ngushëllimet e tij të thella për popullin dhe qeverinë e Azerbajxhanit. “Përmasat e këtij sulmi dhe motivi i sulmuesve po hetohet me prioritet dhe ndjeshmëri të lartë, me udhëzime të veçanta nga autoritetet politike dhe të sigurisë. Nga rezultatet e hetimeve paraprake të organeve dhe institucioneve kompetente rezulton se pas këtij veprimi qëndrojnë motive personale, tha Kanani.

Shefi i policisë së Teheranit Husein Rahimi informoi se sulmuesi u arrestua pas sulmit.

Një sulmues mëngjesin e sotëm ka vrarë me automatik kallashnikov shefin e shërbimit të sigurisë së Ambasadës së Azerbajxhanit. Dy personel sigurie të ambasadës u plagosën gjithashtu ndërsa penguan sulmin, tha ministria e jashtme e Azerbajxhanit.