Sonte në Kuvend nuk është votuar interpelanca për punën e kryetarit të Kuvendit, Talat Xhaferi.

Gjithsej votuan 104 deputetë, nga të cilët 43 votuan “pro”, 61 votuan “kundër”, dhe nuk pati asnjë “abstenim”.

Seancën e mbylli Xhaferi, pasi tha se do të vazhdojë me përgjegjësi dhe ndërgjegje të drejtojë legjislaturën.

Ai gjatë debatit të sotëm i tha opozitës që të shikohet në pasqyrë dhe të rishikojë. Ai tha se gjatë muajit të kaluar opozita ka bërë shumë ofendime personale ndaj tij, por se ai nuk do të flasë në atë mënyrë.

Pas mospranimit të interpelancës, kryetari i Kuvendit tha se do të vazhdojë të punojë në drejtim të mos uzurpimit të legjislativit dhe paralajmëroi se do të vazhdojë komunikimin me të gjithë deputetët.

- Pavarësisht nga mënyra e votimit, është e rëndësishme që tezat se interpelancat mbahen në sirtar janë thyer. Më mbetet të falënderoj edhe ata që votuan për shkarkimin tim dhe ata që votuan kundër shkarkimit tim. Megjithatë, puna e legjislativit do të vazhdojë, dhe qytetarët do të jenë ata që do të gjykojnë sepse askush nga ne nuk është i pagabueshëm. Unë do të them se me veprimet e mia nuk do të lejoj të uzurpohet kjo shtëpi që është e popullit. Komunikimi me secilin prej jush vazhdon, tha Xhaferi.

Interpelanca është dorëzuar më 30 maj nga VMRO-DPMNE.

Xhaferi është në postin e kryetarit të Kuvendit që nga prilli i vitit 2017.