Presidenti indonezian i përcolli Zelenskit një mesazh nga Putin

Vidodo dhe Putin në Moskë / Foto: EPA-EFE / ALEXANDER ZEMLIANICHENKO / AP POOL / POOL

Presidenti indonezian Joko Widodo ka njoftuar se i ka përcjellë një mesazh homologut të tij rus Vladimir Putin nga lideri ukrainas Vladimir Zelensky, pa e bërë të ditur përmbajtjen e tij.

“I kam përcjellë një mesazh nga presidenti Zelensky presidentit Putin”, tha ai pas takimit me homologun e tij rus në Moskë.

Ai nuk tha se cili ishte mesazhi, por shtoi se "shpreh gatishmërinë për të ndihmuar të dy liderët të komunikojnë".

Vidodo u takua dje me Zelensky në Kiev dhe mbërriti sot në Moskë për të biseduar me presidentin rus.

Presidenti indonezian aktualisht kryeson një grup vendesh të G20-ës dhe një grup krize të OKB-së të krijuar për të trajtuar kërcënimin e urisë globale.

Vidodo e ftoi Zelenskin në samitin e G20 në Bali në nëntor. AFP raporton se Zelenski u përgjigj se ardhja e tij varet nga kush tjetër do të jetë atje. Gjegjësisht, Rusia është anëtare e G20 dhe Putini pritet të vijë në samit.

Putin heziton të marrë pjesë në samitin e G20 në Indonezi

 

Video e ditës