Afati i tyre ka kaluar, Belgjika do të hedhë mbi një milion vaksina, disa të dërguara në Ukrainë
E përditshmja belge “Le Soar” zbulon se Belgjika do të hedhë 436.800 doza të vaksinës AstraZeneka për shkak se afati i tyre ka kaluar, njofton korrespondenti i MIA-s nga Brukseli.
Gjysmë milion doza skadon më 31 maj, ndërsa gjatë verës 800 mijë doza të tjera Moderna dhe 90 mijë Pfizer do të gjenden në mbetjet mjekësore. Kjo është hera e parë që Belgjikës i është dashur të heqë qafe vaksinat e skaduara Covid-19, thonë zyrtarët. Pak ditë më parë në Ukrainë u dërguan vaksina të skaduara.
Gjithsej 1,3 milionë doza vaksinash do të hidhen për shkak se nuk janë aplikuar, ndërkohë që kontinente të tëra mbeten të pavaksinuara për shkak të refuzimit të vendeve të pasura për të nxjerrë vaksinat nga patentat tregtare.
Autoritetet belge po përpiqen të relativizojnë vendimin duke e krahasuar atë me vendet fqinje, pasi Franca hodhi më shumë se tre milionë doza AstraZeneka muajin e kaluar.
Gazeta “Le Soar” kujton një studim gazetaresk francez në gazetën Le Monde që zbuloi se Nigeria është bërë një marrës kryesor i vaksinave të skaduara nga e gjithë bota.
Burimi: MIA