Mijëra njerëz besohet se kanë humbur kursimet e tyre pasi kanë investuar në një aplikacion tregtimi të kriptomonedhave të quajtur jEarn Bot, dhe ekspertët që hetojnë kompaninë thonë se rasti mund të jetë një nga skandalet më të mëdha të kriptomonedhave ndonjëherë.

Tregtimi i kriptomonedhave është bërë popullor sepse njerëzve shpesh u premtohen fitime të mëdha për investime afatshkurtra, por agjencitë e zbatimit të ligjit po paralajmërojnë për një numër në rritje të mashtrimeve dhe u rekomandojnë investitorëve të jenë të kujdesshëm, sipas një raporti të BBC.

Në Rumani, dhjetëra figura të profilit të lartë, duke përfshirë zyrtarë qeveritarë dhe akademikë, u bindën të investonin përmes aplikacionit sepse ai u sponsorizua nga Gabriel Garais, eksperti kryesor i IT në vend, por Garais pretendon se edhe ai u mashtrua duke investuar kursimet e tij në app pas së cilës humbi para, transmeton Tanjug.

Njeriu i quajtur nga faqja e internetit EarnBot si themeluesi i kompanisë i tha Shërbimit Publik të Britanisë se ai kurrë nuk kishte dëgjuar për kompaninë dhe konfirmoi se kishte paraqitur një raport në polici. Instituti i Teknologjisë në Masaçusets, së bashku me kompani të tilla si Huawei dhe Qualcomm, quhen "partnerë strategjikë" të jEarnBot, por ata gjithashtu pretendojnë se nuk kanë njohuri për kompaninë dhe nuk punojnë me të.