Zaltan Ibrahimovic kthehet në kombëtaren suedeze dhe në moshën 42-vjeçare, kjo është thirrja e parë për sulmuesin e Milanit pas rikthimit nga lëndimi në gju që e mbajti jashtë për 14 muaj.

Në fundjavë, Ibrahimovic ishte shënuesi i golit të vetëm për Milanin në humbjen nga Udinese. Suedezi me golin nga penalltia theu rekordin e Alessandro Costacurta dhe u bë golashënuesi më i vjetër në historinë e Serie A.

Gazetarët në Suedi pas kthimit të tij e pyetën Ibrahimovicin nëse ka ndërmend të luajë në Kampionatin Evropian të Gjermanisë dhe Ibra është përgjigjur në stilin e tij.

“Ndihem mirë dhe sa herë që të jetë kështu dhe kur të më zgjedhë trajneri, do të përpiqem ta ndihmoj skuadrën. “Mendoj se në moshën time nuk mund të mendosh për të ardhmen, por duhet të mendosh për të tashmen, edhe pse unë jam e kaluara, e tashmja dhe e ardhmja”, tha Ibrahimovic.

Ibrahimovic është golashënuesi më i mirë në historinë e Suedisë me 62 gola të shënuar në 121 ndeshje.