Tifo grupi “Kontrabandistët” u bëri thirrje anëtarëve të tij që të përfshihen në kërkimin e dy vajzave nga Shkupi, Anisa 12-vjeçare dhe Melissa 15-vjeçare, të cilat u zhdukën dje.

“Po thërrasim anëtarët tanë nga çdo lagje, nga çdo nëngrup, nga ora 21:30 deri në orën 22:00, presim që të takohemi në sheshin Skënderbej dhe prej andej do të dalim në kërkim të motrave tona. Ne kemi nevojë për ndihmën e të gjithëve! Anisa dhe Melisa janë vajzat dhe motrat tona!”, thuhet në apelin e “Kontrabandistëve”.

Policia është vënë në kërkim të dy vajzave, prindërit e të cilave kanë denoncuar të zhdukur ditën e djeshme.

Sipas prindërve të saj, Anissa e vogël u zhduk pasi vajza e madhe, Melissa, erdhi në klasën e saj për ta thirrur jashtë klasës. Melisa më parë është larguar nga shtëpia në disa raste dhe është kthyer, sipas policisë.

Prej dy ditësh po vijojnë kërkimet për 12-vjeçaren e zhdukur nga Shkupi, ndërsa po kërkohet edhe një adoleshente 15-vjeçare me të cilën janë larguar së bashku.