Inflacioni prej 16 për qind në korrik krahasuar me të njëjtin muaj të vitit 2021, ka llogaritur Enti Shtetëror i Statistikave. Ajo që është veçanërisht shkatërruese në shifra janë llogaritjet për rritjen e kostove të ushqimit.

Sipas statisticienëve, këto shpenzime janë rritur me 24,3 për qind në një vit. Në të njëjtën kohë, buka dhe drithërat u rritën me 36,5 për qind, mishi me 21,4 për qind, vajrat dhe yndyrat me 51,9 për qind, qumështi, djathi dhe vezët me 23,5 për qind. Rritje të madhe ka shënuar edhe çmimi i artikullit “sheqer, marmelatë, çokollatë dhe ëmbëlsira” – 22,2 për qind, si dhe kafe, çaj dhe kakao – 17,5 për qind.

Rritje më të vogël ka tek frutat, të cilat janë më të shtrenjta këtë verë për 3,5 për qind, por perimet kanë çmim më të lartë për 23,3 për qind.

Kostot e energjisë elektrike u rritën me 20,2 për qind dhe transporti u shtrenjtua me 24 për qind.