Policia italiane arrestoi dje nëntë djem për përdhunimin në grup të dy vajzave 10 dhe 12 vjeç në qytetin Caivano pranë Napolit.

Lajmi për përdhunimin e vajzave, të cilat ishin kushërira, tronditi Italinë kur u publikua në gusht. Përdhunimi ka ndodhur në korrik dhe dyshohet se vajzat janë përdhunuar disa herë nga grupi. Për momentin nuk dihen të dhëna shtesë për lidhjen e vajzave me sulmuesit dhe as detaje për identitetin e sulmuesve.

Një nga nëntë personat e arrestuar filmoi një nga përdhunimet dhe e transmetoi atë drejtpërdrejt, tha një gjykatës për të mitur në Napoli në urdhër-arrestin. Shtatë të mitur dhe dy adoleshentë të rritur janë arrestuar ose i janë nënshtruar masave të tjera sigurie, tha prokurori.

Gjykatësi hetues Umberto Lucarelli tha se të dyshuarit "përfituan brutalisht nga dobësia dhe mosha e viktimave të tyre, të sigurt se ata nuk do të raportoheshin për shkak të turpit dhe kërcënimit për shpërndarjen e videove të përdhunimit".