Një i ri (25) nga qyteti kroat Delnice, në Gorski Kotar në perëndim të vendit, është arrestuar dhe ndodhet në burg në Rijekë, me dyshimin se ka përdhunuar prej dy javësh një vajzë 16-vjeçare, të cilën e rrëmbeu dhe e çoi në një kasolle. Siç zbulon portali lokal "Burin“, tortura e tmerrshme ka ndodhur nga data 28 tetor deri më 10 nëntor, në adresën në Delnicë ku banon autori.

Në kallëzimin penal thuhet se përdhunuesi e ka mashtruar vajzën për të ardhur nga Rijeka në vendin ku banon. Më pas, sipas policisë, ai e mori atë në një kasolle prej druri dhe e mbylli atje, përpara se ta përdhunonte të paktën tetë herë në ditë dhe ta rrihte kur ajo iu lut të ndalonte. Përveç kësaj, policia dyshon se ai e ka lidhur që ajo të mos mund të shpëtojë dhe dyshohet se ka refuzuar t'i japë ushqim dhe ujë.

I dyshuari sot është sjellë në Gjykatën e Qarkut në Rijekë, ku i është caktuar masa e paraburgimit. I riu dyshohet se është i papunë dhe thuhet se është analfabet, raportojnë mediat kroate.