Ambasadori amerikan në Beograd Christopher Hill deklaroi se Shtetet e Bashkuara nuk dinë shumë detaje për arrestimin e djeshëm të tre serbëve të Kosovës.

“Ata thuhet se janë të lidhura me krime që dyshohet se kanë ndodhur tridhjetë vjet më parë. Do t'ua lë të tjerëve të konkludojnë se pse arrestimet pasuan menjëherë pas raundit të dështuar të dialogut në Bruksel dhe gjatë Sesionit të Përgjithshëm të Kombeve të Bashkuara”, tha ambasadori amerikan në Beograd.

Hill tha se ai beson se kjo mund të zgjidhet shpejt dhe do të donte të shihte "më shumë biseda për bashkëpunim dhe më pak për arrestime".

Ai po ashtu theksoi se SHBA-të nuk e kuptojnë se si ndalimi i importit të mallrave nga Serbia në Kosovë, i cili u vendos nga autoritetet në Prishtinë, mund të ndihmojë situatën e përgjithshme në marrëdhëniet ndërmjet Beogradit dhe Prishtinës.