Grupi shiit libanez Hezbollah, i mbështetur nga Irani, mori sot përgjegjësinë për gjuajtjen e dhjetëra raketave në një bazë ushtarake në veri të Izraelit, njoftoi DPA.

Ushtria izraelite tha se rreth 40 raketa u hodhën nga Libani drejt Izraelit. Disa u kapën nga sistemet e mbrojtjes kundër raketave, ndërsa të tjerët ranë në hapësirë ​​të hapur. Nuk ka raportime për të lënduar. Sulmet shkaktuan zjarre të cilat u shuan nga zjarrfikësit.

Gjithashtu, një dron me eksploziv ka fluturuar mbi kufirin nga Libani në Izrael dhe ka rënë në zonën e qytetit Metula dhe nuk ka pasur të lënduar.

Nga ana tjetër, Forcat Ajrore izraelite kanë njoftuar se mbrëmë kanë goditur objektiva në Liban.

Ministria libaneze e Shëndetësisë tha se katër persona, përfshirë tre fëmijë, u plagosën në sulmin ajror izraelit mbrëmë në pjesën verilindore të vendit.

Ushtria izraelite tha se sulmet ajrore në Luginën Bekaa dhe qytetin Baalbek kishin në shënjestër depot e armëve të Hezbollahut.