- Edhe pse rrjetet sociale vitet e fundit janë bërë arena parësore e gjuhës së urrejtjes në shoqërinë tonë, ende nuk mungon abuzimi me stendat sportive për postimin e mesazheve poshtëruese dhe fyese të motivuara nga urrejtja. Për fat të keq, gjuha e urrejtjes në bazë etnike dhe kombësie përhapet tradicionalisht në garat sportive dhe e vetmja gjë që ndryshon është tema e urrejtjes në një ngjarje specifike, varësisht nga pjesëmarrësit, thonë nga Komiteti i Helsinkit.

Por, siç tha shoqata, duke pasur parasysh popullaritetin e ngjarjeve sportive, është shqetësues fakti se mesazhet urrejtjeje të paraqitura atje po fitojnë më shumë shikueshmëri, përfshirë edhe në mediat tradicionale, duke rritur kështu efektet negative të një fjalimi të tillë.

Pikërisht të tilla, siç theksojnë ata, kanë thirrjet dhe mesazhet e tifozëve në ndeshjen e futbollit ndërmjet përfaqësuesve të Maqedonisë së Veriut dhe Bullgarisë.

“Efektet shkatërruese të urrejtjes së shfaqur publikisht nënkuptojnë thellimin e mëtejshëm të ndarjeve dhe zvogëlimin e hapësirës për dialog racional dhe tolerant në kuadër të shoqërisë dhe në marrëdhëniet ndërmjet fqinjëve”, theksojnë ata në një deklaratë.

Komiteti i Helsinkit apelon tek të gjithë aktorët politikë, sportivë dhe të tjerë shoqërorë që të bashkohen në dënimin e këtij fjalimi dhe ta bëjnë këtë jo vetëm për hir të vrullit politik, por edhe për të dërguar një mesazh të qartë se përhapja e urrejtjes në vende dhe ngjarje publike është e papranueshme. .