Zëvendëspresidentja e Shteteve të Bashkuara të Amerikës dhe kandidatja demokrate në zgjedhje, Kamala Harris, nuk arriti të sigurojë fitoren e partisë së saj dhe tani ajo u shpreh për herë të parë pas humbjes. Ajo në fillim falenderoi të gjithë ata që erdhën dhe e votuan. Mijëra njerëz erdhën për të dëgjuar dhe parë Harris live. Duartrokitje të forta e shoqëruan daljen e saj në skenë.

- Edhe une te dua! Më lejoni të them. Zemra ime është plot sot, plot mirënjohje, dashuri për vendin tonë. Rezultati nuk është ai që donim, për çfarë luftuam, për çfarë votuam. Por më dëgjo, drita do të digjet gjithmonë, tha Kamala Harris në fillim.

Ajo theksoi se ishte krenare për luftën dhe mënyrën se si luftoi.

- Ne i përmbahemi parimit të transferimit paqësor të pushtetit. Kjo e dallon demokracinë nga monarkia dhe tirania. Ne i detyrohemi besnikërisë jo presidentit dhe partisë, por Kushtetutës amerikane. E pranoj humbjen, por nuk heq dorë nga lufta që drejtova në fushatë. Lufta për liri... Është një luftë nga e cila nuk do të heq dorë kurrë – tha ajo.