Në nisje të përgatitjeve për sezonin e ri në ligën NBA, ylli kryesor ishte basketbollisti i Philadelphia Sixers, James Harden, i cili para gazetarëve u shfaq dukshëm më i dobët se sezonin e kaluar dhe më pas i tronditi të gjithë me deklaratën e tij.

- Që nga fundi i sezonit të kaluar dhe gjatë verës, ai humbi 45 kilogramë - tha Harden.

Në momentin që Harden shqiptoi këtë fjali, shoku i tij i skuadrës Joel Embiid shpërtheu duke qeshur.

Gazetarët e pyetën Harden nëse ishte serioz apo thjesht po bënte shaka, por ai sërish u dha atyre një përgjigje misterioze.

– Për një vit e gjysmë të fundit, me të vërtetë nuk isha aq i mirë sa të bëja punën me të cilën jam mësuar.

James Harden është 196 centimetra i gjatë dhe peshon rreth 100 kilogramë. Ai e kaloi gjithë verën në një dietë të veçantë dhe fitoi masë muskulore që duhet ta ndihmojë atë të jetë më i shpejtë.