Nuk ka më privatësi për shqiptarët, numrat e telefonit dhe bisedat e mbi 500 mijë qytetarëve kanë përfunduar në treg, raportojnë mediat shqiptare.

Për ekspertët, numrat e telefonit të publikuar dhe bisedat e bëra nga rreth 500.000 mijë përdorues shqiptarë të WhatsApp-it dhe tashmë të nxjerra në shitje në rrjetin e errët, përfaqësojnë “dëm katastrofik”.

Eksperti i sigurisë dhe profesori i kriminalistikës, Erwin Caramucho është i të njëjtit mendim, se “ky akt është një tjetër dëmtim katastrofik i privatësisë”.

“Ndaj 506 mijë shqiptarëve, përdoruesve të aplikacionit WhatsApp, të gjitha komunikimet që kanë bërë gjatë vitit të kaluar po u shiten në dark web. Një tjetër shkelje katastrofike e privatësisë”, ka shkruar ai në Facebook.

Pas sulmeve kibernetike të kryera nga hakerat iranianë në sistemet e qeverisë shqiptare, kjo nuk është hera e parë që publikohen të dhëna të hakeruara, përfshirë të dhënat e pagave, targat e automjeteve, dokumentet e identifikimit të shtetasve shqiptarë.