Faqja e internetit parlamentare ishte shënjestër e një sulmi kibernetik sot, tha legjislativi, duke shtuar se menjëherë pas sulmit, uebsajti u rivendos. Nga Zyra e Presidentit Talat Xhaferi theksojnë se ekspertët e tyre të IT-së kanë konstatuar se sulmet kanë ardhur nga IP adresa të huaja, dhe kjo është arsyeja pse për momentin në faqe mund të aksesohet vetëm nga Maqedonia.

Në njoftimin e shkurtër për media, bëhet me dije se bëhet fjalë për sulm nga jashtë, i ashtuquajturi sulm përmbytjeje, pra sulm nga lidhje të shumta, pasojë e të cilit është mosdisponueshmëria e faqes në internet.

“Për momentin aksesi në faqe nga adresat e huaja është i çaktivizuar, por është i disponueshëm për përdoruesit vendas. Në ndërkohë, zyrtarët kompetentë do ta monitorojnë situatën dhe sapo të konstatohet se është e sigurt, do të mundësohet qasja për përdoruesit nga jashtë”, thekson Kuvendi.

Muajin e kaluar, viktimë e një sulmi kibernetik ishte edhe Fondi i Shëndetësisë, i cili nuk u rivendos plotësisht për gati tre javë. Ai sulm la punonjësit e kujdesit shëndetësor pa pagesë, ndaloi pagesën e pushimeve të lehonisë dhe të tjera mjekësore, shkaktoi probleme të mëdha me marrjen e ilaçeve dhe solli përsëri në lojë formularët e letrës.

Vjedhja e të dhënave të ndjeshme nga faqet qeveritare për të cilat më pas kërkohet shpërblim, vendosja e lidhjeve për shitjen e rrobave në faqen Vlada.mk ose minimi i kriptovalutave në faqen e Byrosë së Prokurimeve Publike, janë vetëm disa nga sulmet e fundit kibernetike ndaj faqet shtetërore.