Ish-ministri i Financave Xhevdet Hajredini i ka bërë një pyetje ambasadorit amerikan përmes rrjeteve sociale Angela Ageler në lidhje me rastin me “Deutsche Telecom”.

“Pas intervistës në televizionin Alsat, një pyetje për ambasadoren amerikane, znj. Angela Ageler: A është kaq e vështirë në Gjykatën e Qarkut të Nju Jorkut të pyesësh se cilët janë politikanët, zyrtarët e lartë shtetërorë të Maqedonisë, të cilëve drejtorët e Deutsche Telecom dhe Magyar Telecom kanë paguar disa milionë euro ryshfet, për çka gjykata i ka dënuar?”, shkruan Hajredini.

Javën e kaluar, Gjykata Themelore Penale e Shkupit sot e shpalli aktgjykimin e shkallës së parë për rastin “Magyar Telecom”, me të cilin ishin tre ish-drejtorë të filialit maqedonas të kompanisë, Makedonski Telecom. të dënuar në mungesë me nga tetë vjet burg secili.

Ky rast është pjesë e megaskandalit të korrupsionit me kompaninë mëmë, “Deutsche Telecom” dhe filialin e saj “Magyar Telecom”. Është konstatuar se kompanitë kanë paguar gjithsej 12 milionë euro ryshfet për politikanë në Maqedoni dhe Mal të Zi në periudhën 2000-2006, në këmbim të miratimit të rregulloreve dhe ligjeve që i jepnin gjigantit të telekomunikacionit një pozicion preferencial në tregjet e të dy vendeve. Për këtë kompania është hetuar në SHBA, ku rasti është zgjidhur në vitin 2011, me shlyerje me kompaninë, e cila ka paguar 95 milionë euro.

Në Maqedoni procesi gjyqësor zgjati 12 vjet, dhe ndonëse pati shumë spekulime, asnjëherë nuk u zbulua se cilët politikanë ishin paguar ryshfet nga drejtorët e dënuar të Magyar Telecom.