Guterres: Dëmtimi i centralit bërthamor të Zaporozhye do të ishte vetëvrasje

Foto: EPA-EFE/MYKOLA TYS

Sekretari i Përgjithshëm i OKB-së Antonio Guterres tha sot se çdo dëmtim i centralit bërthamor të Ukrainës në Zaporozhye do të ishte "vetëvrasje".

"Duhet ta themi ashtu siç është: çdo dëm i mundshëm në Zaporozhye do të ishte vetëvrasje," tha Guterres gjatë një vizite në Lviv në Ukrainën perëndimore.

Ai përsëriti një thirrje të mëparshme për "çmilitarizimin" e zonës përreth uzinës, e cila është nën kontrollin e ushtrisë ruse.

Guterres në fillim të këtij muaji u bëri thirrje forcave ruse që të tërhiqen nga objekti në një "distanca të çmilitarizuar të sigurt", gjë që u refuzua nga Rusia sot.

Ukraina dhe Rusia kanë fajësuar njëra-tjetrën për granatimet e fundit të termocentralit, duke shkaktuar frikën e një aksidenti të rëndë.

Video e ditës