Italia ka pezulluar procedurat kundër zyrës evropiane të gjigantit të teknologjisë Google, pasi kompania amerikane ra dakord të paguajë 326 milionë euro borxhin e saj të taksave të prapambetura në vend, tha qeveria italiane të martën. AFP.

“Kompania ka rënë dakord të shlyejë borxhin për periudhën 2015-2019”, ka shkruar prokurori i Milanos Marcello Viola.

Në shumën prej 326 milionë eurosh janë përfshirë sanksionet dhe kamata ndëshkimore, thuhet në njoftimin e prokurorit.

“Nga hetimi rezultoi se kompania nuk ka deklaruar të ardhura në Itali dhe nuk ka paguar taksa”, thuhet në deklaratë.

Vitin e kaluar, prokurorët italianë thanë se Google nuk ka paguar taksa midis 2018 dhe 2022, duke u përjashtuar nga detyrimi tatimor duke pretenduar se kompania nuk operon në Itali dhe nuk gjeneron të ardhura në vend sepse ka infrastrukturë dixhitale.

Në vitin 2017, Google ra dakord të paguante 306 milionë euro për taksat që nuk kishte paguar për periudhën 2009-2013. Policia financiare përcaktoi se kompania ishte e regjistruar në Itali në bazë të numrit të punonjësve.