Prokuroria Themelore Publike në Shkup ka lëshuar urdhër për zhvillimin e procedurës hetimore ndaj një 44-vjeçari, i cili gjatë dhunës në familje i ka marrë jetën fëmijës së tij, me çka ka kryer vepër penale - Vrasje nga neni 123 paragrafi 2. , pika 2 e Kodit Penal.

Natën e datës 25 dhe 26 shtator, derisa i dyshuari ndodhej në shtëpi me katër fëmijë të mitur, mes tyre edhe djalin tre muajsh, ka filluar ta godasë fëmijën me duar dhe këmbë në kokë dhe në trup. Në këtë mënyrë ai i ka shkaktuar lëndime të shumta që kanë shkaktuar gjakderdhje në zgavrën e kranit, për pasojë ka ndërruar jetë foshnja tre muajshe.

Meqenëse ekzistojnë rrethana që tregojnë rrezikun e ikjes së të dyshuarit për t'iu shmangur ndjekjes penale, mundësia që ai të tentojë të ndikojë te dëshmitarët, madje edhe ta përsërisë veprën penale, prokurori publik kompetent i ka dorëzuar gjyqtarit të procedurës paraprake propozim për përcaktimin e masën e paraburgimit.