Kryetarja Arsovska u takua me Delegacionin e Ambasadës Franceze
Kryetarja e komunës Danela Arsovska u takua sot me Shefi i delegacionit francez në Shkup, ambasadori Cyril Bomgartner dhe drejtori i zyrës rajonale të Agjencisë Franceze për Zhvillim, Dominique Ortberg.
Në takim morën pjesë edhe Atasheja e Bashkëpunimit Julie Maraval dhe Camille Imbert, përgjegjëse për projektin e Qyteteve të zgjuara në Zyrën Rajonale të Agjencisë Franceze të Zhvillimit.
Në takim u diskutua për sfidat që e presin Qytetin e Shkupit dhe prioritetet e kryesisë së re të qytetit në katër vitet e ardhshme për të krijuar një jetë më cilësore për qytetarët, por edhe për të përmbushur të gjitha projektet e parapara në programin e qytetit të Shkupi.
Arsovska theksoi se një nga projektet më të rëndësishme të planifikuara për realizim në katër vitet e ardhshme është digjitalizimi i plotë i Qytetit të Shkupit, me qëllim të zgjidhjes së shpejtë dhe efikase të problemeve që prekin qytetarët në nivel të qytetit.
Ambasadori Bomgartner uroi punë të suksesshme dhe zgjerim e thellim të bashkëpunimit në mes të Qytetit të Shkupit dhe Ambasadës së Francës në Shkup. Ai shtoi se shpresojnë që Qyteti i Shkupit të vazhdojë të zhvillohet në mënyrë që të bëhet një qytet më i pastër dhe më miqësor ndaj mjedisit, qytet që ofron shërbime më të mira dhe përpiqet të rritet në një qytet dixhital.