Kombëtarja e Maqedonisë në futboll sot nga ora 15:00 në Vaduz kundër Lihtenshtajnit i nis ndeshjet kualifikuese për Botërorin 2026, i cili do të mbahet në Shtetet e Bashkuara, Kanada dhe Meksikë.

Lojtarët hyjnë si favorit ndaj Lihtenshtajnit, me të cilin kemi luajtur 11 ndeshje gjatë historisë dhe i kemi fituar nëntë prej tyre, dy ndeshje kanë përfunduar pa fitues me të njëjtin rezultat 1:1.

Skuadra e Bllagoja Milevskit do të mundohet të sjellë sado pak gëzim në ditët kur i gjithë vendi është në zi pas tragjedisë së Koçanit dhe sigurisht që lojtarët nuk do ta kenë të lehtë të dalin në fushë.

Në shenjë respekti për viktimat e tragjedisë, Maqedonia sot ndeshjen do ta luajë me fanella të zeza. Në rrjetet sociale ka apel që tifozët të vijnë në tribuna të veshur me të zeza.

Lihtenshtajni është kombëtarja ndaj së cilës ne shënuam fitoren më të madhe në histori në vitin 1996, duke festuar me fitoren 11:1 si mysafir.

Trajneri bëri të ditur në konferencën e djeshme për shtyp se duan të fokusohen vetëm te futbolli dhe se do të mundohen të vazhdojnë serinë e tyre të fitoreve. Ndeshjen do të mund ta ndiqni në kanalin e tretë të Radio Televizionit të Maqedonisë (MRT 3).

Është ende e vështirë për mua të flas për të. Edhe një herë, le të shprehim ngushëllimet tona për familjet e të gjithë të ndjerit. Mendoj se përqendrimi ynë duhet të jetë në çështjet e futbollit. Është një moment shumë i vështirë për të folur për diçka më tej. Sa i përket formimit dhe lojës së kundërshtarit, sigurisht që nuk do të thotë domosdoshmërisht se kështu do të jetë edhe në ndeshjen e nesërme, por nga ana tjetër kemi respekt maksimal për kundërshtarin dhe mendoj se do të kemi qasje maksimale serioze në ndeshjen e nesërme - tha Milevski.

Pas kësaj ndeshje, Maqedonia brenda tre ditësh luan ndeshjen e dytë kualifikuese kundër Uellsit në shtëpi. Kjo ndeshje është caktuar për në orën 20:45.