Propozimi francez i publikuar në faqen e Qeverisë
Është publikuar sot në faqen e qeverisë propozimin francez për heqjen e vetos bullgare dhe për fillimin e negociatave për anëtarësimin e Republikës së Maqedonisë së Veriut në Bashkimin Evropian.
Propozimi francez në formën e tij integrale është publikuar menjëherë pas takimit të kryeministrit Dimitar Kovaçevski me krerët e partive nga koalicioni qeveritar.
Kovaçevski paralajmëroi se do të hapet një proces i gjerë konsultimi, i cili do të zhvillohet në mënyrë transparente dhe publiku do të informohet në detaje për të gjitha hapat e mëtejshëm.
“Me koalicionin qeveritar sot diskutojmë për propozimin evropian lidhur me proceset integruese evropiane të Republikës së Maqedonisë së Veriut, i cili dje mbërriti në Ministrinë e Punëve të Jashtme dhe për procesin e konsultimit që vijon. Çdo vendim lidhur me propozimin do ta marrim bashkërisht dhe përmes një procesi të gjerë konsultativ”, ka shkruar Kovaçevski në Facebook.
Gjatë ditës, krahas takimit me koalicionin, do të zhvillohen një sërë konsultimesh dhe bisedash me publikun ekspert dhe profesional, si dhe me median.
Kryeministri bëri thirrje për përgjegjësi nga të gjitha palët relevante të shoqërisë, sepse, siç theksoi, spekulimet për çështje të rëndësishme shtetërore dhe kombëtare nuk i bëjnë dobi askujt, thekson Kovaçevski.
Kovaçevski apelon tek të gjithë aktorët politikë dhe mediat që të mbështeten në informatat zyrtare të institucioneve dhe kërkoi konstruktivitet dhe mbështetje nga të gjithë palët e interesuara për të marrë një vendim të mençur në interes të të gjithë qytetarëve.
Burimi: MIA