Franca do të mbyllë shtatë xhami të tjera dhe shoqata myslimane të dyshuara për promovimin e islamit radikal

Oficerët e policisë përpara tempullit / Nice, Francë / Foto: EPA-EFE / ERIC GAILLARD / POOL MAXPPP OUT

Ministri i Brendshëm francez Gerald Darmanin tha se shtatë xhami dhe shoqata të tjera të dyshuara për promovimin e islamit radikal do të mbyllen në vend deri në fund të vitit.

Ai përshëndeti vendimin për mbylljen e xhamisë në qytetin Alon për gjashtë muaj me akuzën e mbrojtjes së islamit radikal.

Dramanin tha se që nga shtatori 2020, 92 nga 2.500 xhamitë në Francë janë mbyllur dhe 36.000 u janë hequr vizat e qëndrimit për rrezikim të rendit publik.

Këshilli Kushtetues i Francës në gusht miratoi një ligj të diskutueshëm kundër separatizmit që është kritikuar për margjinalizimin e myslimanëve. Ligji u miratua nga Asambleja Kombëtare në korrik, pavarësisht kundërshtimit të ligjvënësve të krahut të djathtë dhe të majtë. Qeveria pretendon se ligji synon të forcojë sistemin laik të Francës, por kritikët thonë se ai kufizon lirinë fetare dhe margjinalizon myslimanët.

Komuniteti mysliman në Francë është më i madhi në Evropë dhe numëron 3,35 milionë njerëz.

Ligji i lejon zyrtarët të ndërhyjnë në xhami dhe shoqata, të kontrollojnë financat e shoqatave myslimane dhe organizatave joqeveritare.

Me ligj, pacientëve u ndalohet të zgjedhin një mjek në bazë të gjinisë për arsye fetare ose të tjera, dhe edukimi laik është bërë i detyrueshëm për të gjithë nëpunësit civilë.

Franca është kritikuar nga organizatat ndërkombëtare dhe joqeveritare, veçanërisht nga Kombet e Bashkuara, për margjinalizimin e myslimanëve.

Burimi: MIA

Video e ditës