Autoritetet australiane kanë shpallur gjendjen e jashtëzakonshme për shkak të motit të keq dhe përmbytjeve në shtetin juglindor të Uellsit të Ri Jugor.

Vendimi i marrë mbrëmë duhet të lehtësojë rrugën për aktivizimin sa më të shpejtë të fondeve për ndihma në rast fatkeqësish natyrore dhe për të arritur ndihmat në zonat e prekura.

Meqë ra fjala, shirat e dendur kanë prekur pjesën më të madhe të qytetit më të shumtë të kontinentit që nga e premtja. Në disa pjesë të Sidneit, si dhe gjetkë, në katër ditë ka rënë shi sa mesatarja e Londrës për të gjithë vitin.

Evakuimi i rreth 50 mijë banorëve ka nisur që herët në mëngjes, ndërsa qindra persona kërkuan ndihmë mjekësore gjatë natës. Linjat telefonike të Emergjencave u pushtuan nga thirrjet e shumta për ndihmë nga fatkeqësia që la pa energji elektrike 20 mijë objekte banimi, ndërsa zona të tëra të banuara janë disa metra nën ujë.

Disa nga zonat e prekura nga stuhia nuk kanë riparuar ende dëmet e shkaktuara nga përmbytjet e shkurtit dhe marsit të këtij viti.

Këshilli i Ndryshimeve Klimatike beson se ndryshimi i klimës është një faktor kontribues në reshjet intensive dhe temperaturat jashtëzakonisht të larta të vërejtura në Australi vitet e fundit.

Në mesin e janarit pjesë të mëdha të Australisë u prekën nga një valë të nxehti me temperatura mbi 50 gradë Celsius të matura në pjesët perëndimore të vendit.

Burimi: MIA