FOTO+VIDEO: Në një aksion policor është parandaluar transportimi i drogës me vlerë njëqind mijë euro
Policia sot ua ka hequr lirinë dy personave nga Haraçina, duke penguar kështu transportin e rreth 35 kilogramë drogë në vlerë prej 100.000 eurosh, njoftoi MPB.
Policia në orët e mëngjesit, siç thotë MPB-ja, në autostradën Tetovë, në autostradën Gostivar-Tetovë, i ka dhënë shenjë ndalimi automjetit të udhëtarëve “Range Rover”, me targa të Shkupit, i drejtuar nga K.A. 32), në të cilin pasagjer ishte O.A.(23), të dy nga fshati Haraçinë, Shkup. Ata nuk iu bindën urdhrit të policisë për ndalimin e automjetit dhe u larguan me vrap, si dhe dëmtuan një automjet të policisë. Në pak kohë policia ka arritur t'i ndalojë dhe i ka hequr lirinë.
Gjatë kontrollit në bagazhin e automjetit janë gjetur katër thasë me marijuanë, me peshë totale rreth 35 kilogramë, me vlerë rreth 100.000 mijë euro. Në vendngjarje në vendkalimin e pagesës në Tetovë ka dalë prokurori publik nga Prokuroria Publike e Tetovës dhe ka udhëhequr hetimet. Pak më vonë, me urdhër të marrë nga gjykata, janë kryer bastisje edhe në shtëpitë e dy personave në Haraçinë, gjatë të cilave janë gjetur sende që kanë të bëjnë me veprën penale, thonë nga Ministria.
Susana Pranjic Talevska Nga MPB-ja bëjnë me dije se për një kohë të gjatë ndaj A.K. janë marrë masa për kryerjen e disa veprave penale, si kontrabandë me emigrantë dhe kontrabandë droge.
Personat janë ndaluar në MPB-në e Tetovës, ndërsa MPB-ja shton se kundër tyre gjatë ditës do të ngrihet kallëzim penal sipas Kodit Penal.