FOTO+VIDEO | Tre persona humbën jetën në një shpërthim në një qytet në Indiana
Autoritetet në shtetin federal të Indianës ende nuk mund të përcaktojnë shkakun e shpërthimit të fortë që ra në qytetin Evansville, ku humbën jetën tre persona dhe u dëmtuan 39 shtëpi.
Shpërthimi ka ndodhur mbrëmë. Më shumë se dhjetë shërbime u përgjigjën dhe dolën në vendngjarje për të shpëtuar dhe shuar zjarrin.
Kryebashkiaku Lloyd Winneck, e cilësoi ngjarjen si “shkatërruese”, duke theksuar se do të duhet kohë për të zbuluar shkakun.
Përveç të vdekurve, të paktën një person është dërguar në spital për shkak të plagëve të rënda.
Sipas policisë, numri i viktimave mund të jetë më i madh. Nga aty, ata treguan se lagja ishte e rrezikshme për të hyrë dhe u thanë banorëve që të shmangnin atë pjesë të qytetit.
Ndonëse nuk ka rezultate zyrtare të hetimit, supozohet se shpërthimi ka qenë pasojë e një rrjedhje gazi. Një shpërthim i ngjashëm ka ndodhur në këtë qytet në vitin 2017 kur dy persona humbën jetën. Në Indianapolis, nga ana tjetër, një shpërthim gazi në vitin 2012 dëmtoi 80 shtëpi dhe dy persona humbën jetën.