FOTO + VIDEO | Katër viktima nga përmbytjet në Ankara
Katër persona humbën jetën në një stuhi të ndjekur nga shira të rrëmbyeshëm në kryeqytetin turk, Ankara, tha Presidenca Turke e Menaxhimit të Fatkeqësive (AFAD).
Operacionet e shpëtimit kanë vazhduar që nga fillimi i stuhisë, e cila filloi dy ditë më parë.
“Si rezultat i operacionit dyditor të kërkimit, ku u përfshinë afërsisht 350 punonjës, u gjet trupi i pajetë i një qytetari të kapur nga përmbytjet në lagjen Altandag të Ankarasë”, thuhet në deklaratë, duke shprehur ngushëllime për të afërmit.
Ka shkuar në katër numri i të vdekurve nga përmbytjet në qytet. Më parë u raportua për tre viktima.
Në pjesë të ndryshme të Ankarasë, makinat kanë mbetur në rrugë për shkak të shiut të rrëmbyeshëm, përmbytjeve të shtëpive dhe vendeve të punës.
Burimi: MIA