FOTO+VIDEO | Berbok: Nuk duhet të humbim më kohë në Ballkanin Perëndimor
Nuk duhet të humbim më kohë në integrimin dhe afrimin e vendeve të Ballkanit Perëndimor drejt BE-së, tha ministri i Jashtëm gjerman. Annalena Berbock.
Sipas saj, “nuk duhet të ketë hapësirë në Ballkan që mund të mbushet nga Rusia apo aktorë të tjerë”.
Lidhja më e shpejtë e vendeve të rajonit me BE-në nuk ka të bëjë vetëm me besueshmërinë tonë gjeopolitike”, ka theksuar ajo pas takimit me kolegen sllovene Tanja Fajon.
Ajo shtoi se përveç Rusisë, edhe Kina po lufton për një ndikim më të fortë në vendet e Ballkanit Perëndimor.
“Ballkani Perëndimor është gjeografikisht në qendër të Bashkimit Evropian. Dhe më në fund ne duhet të sjellim njerëzit nga Ballkani Perëndimor në qendrën tonë politike”, tha Berbok.
Sipas saj, BE-ja është dashur t'i përmbushë premtimet e saj për negociatat e anëtarësimit me vendet e rajonit, veçanërisht për hapjen e negociatave me Maqedoninë e Veriut dhe Shqipërinë.
Është në interesin tonë strategjik dhe është edhe çështje e sigurisë sonë”, tha ministri gjerman.
Vendet e Ballkanit Perëndimor përfshijnë Shqipërinë, Bosnje dhe Hercegovinën, Kosovën, Maqedoninë e Veriut, Malin e Zi dhe Serbinë.
Në këtë kontekst, Berbok theksoi se të enjten, në ditën e fundit të presidencës gjashtëmujore të BE-së, Franca ka propozuar një kompromis që duhet të mundësojë negociatat me Shkupin dhe Tiranën. Sipas saj, propozimi francez është “e vetmja mundësi”.
"Më në fund duhet ta bëjmë atë hap së bashku," tha Berbock.
Ajo beson se nëse BE nuk i përmbush premtimet e saj, të tjerët do të mbushin hapësirën në rajon dhe shumë të rinj që duan një "shtëpi të përbashkët evropiane" do të zhgënjehen.
Burimi: MIA