Rreth 2500 vullnetarë të zhveshur pozuan në orët e hershme të mëngjesit në plazhin Bondi të Sidneit gjatë fundjavës për të krijuar një vepër arti të krijuar për të rritur ndërgjegjësimin për kancerin e lëkurës. Ky instalim është projekti i fundit i fotografit amerikan Spencer Tunick, qëllimi i të cilit është të inkurajojë australianët që të bëjnë kontrolle të rregullta të lëkurës.

Për shkak të këtij projekti u ndryshua edhe ligji, për të lejuar për herë të parë lakuriqësinë publike në plazh.

Australia është vendi me përqindjen më të lartë të rasteve të kancerit të lëkurës, sipas Shoqatës Botërore për Kërkimin e Kancerit.

Nga ora 3:30 e mëngjesit me orën lokale, vullnetarët u mblodhën në plazh për të marrë pjesë në instalimin, i bërë në bashkëpunim me bamirësinë Skin Check Champions gjatë Javës së Ndërgjegjësimit për Kancerin e Lëkurës.

“Ne kemi një mundësi për të rritur ndërgjegjësimin për ekzaminimet e lëkurës dhe ishte një nder që erdha këtu, të krijoja artin tim dhe të festoja trupin dhe mbrojtjen”, tha artisti me famë botërore Tunik.

 

Shiko këtë post në Instagram

 

Një postim i shpërndarë nga Spencer Tunick (@spencertunick)

Bruce Fisher, 77, i cili mori pjesë në xhirime, i tha AFP se ai "kishte kaluar gjysmën e jetës së tij në diell dhe kishte hequr dy melanoma malinje nga shpina".